Бошқа мавзуларПрезидент Шавкат Мирзиёев 4 октябрь куни Франция фуқаролари учун визасиз тартибни жорий қилиш ҳақидаги фармонни имзолади. Бу ҳақда “Turon 24” ахборот агентлиги Туризм қўмитаси ахборот хизмати маълумотига асосланиб хабар берди.
Ушбу ҳужжат Ўзбекистон ва Франция ўртасидаги халқаро муносабатларни ривожлантириш учун зарур шароит яратиш мақсадида қабул қилинган. Фармон 5 октябрдан кучга киради.
Қўмита маълумотига кўра, 2016 йилда Франциядан Ўзбекистонга келган сайёҳлар сони 4889, 2017 йилда 5748 ва жорий йилнинг ҳозирги вақтига қадар 9172 нафарни ташкил этган.
Эслатиб ўтамиз, 8-9 октябрь кунлари Шавкат Мирзиёев Францияга давлат ташрифини амалга оширади.
