ХАЛҚАРО ЗАМОНАВИЙ САНЪАТ БИЕННАЛЕСИ БЎЛИБ ЎТДИ

Ўзбекистон Бадиий академияси ташаббуси билан Бухорода VIII халқаро замонавий санъат биенналеси бўлиб ўтди.

Бунда қатор ижодий ташкилотлар, дипломатик корпус ва халқаро ташкилотлар, хусусан, Озарбайжон, Буюк Британия, Эрон, Италия, Хитой, Жанубий Корея, Латвия, Россия, Тожикистон, Германия вакиллари, санъат ихлосмандлари ҳамда талаба-ёшлар таклиф этилди.

Замонавий санъат биенналесининг  “Санъат ва технология. Тасдиқ ва инкор“ деган рамзий шиор остида ташкил этилгани бугунги шиддатли техник тараққиёт даврида мусаввирларнинг ижодкор сифатида жаҳондаги бадиий-ижодий жараёнларга тобора кўпроқ интеграциялашувида, ёшларнинг уста мусаввирлар, чет эллик ижодкорлар асарларидан хабардор бўлиши имконини яратди.

Кўргазма дастурида қадим Кентга саёҳатнинг ташкил этилишига ва очиқ осмон остидаги музей шаҳарда мўйқалам соҳибларининг ўз санъатини намойиш этишига, рассомларнинг эркин фаолият кўрсатишига имконият яратди.

Дастлаб, “Арк” қўрғонида тажрибали мўйқалам соҳиблари Хуршид Халилов ва Озод Ниғматовларнинг утопия ва эдинфикацион қарашларини ўзида акс эттирган лойиҳалари кўргазманинг ўзига хос жиҳати бўлди. Шунингдек, қадим обида – Ситораи Мохи-Хоса ансамблида ташкил этилган кўргазма халқаро ва Ўзбекистон санъати усталари ўртасида ўзаро дўстлик алоқаларини мустаҳкамлашга, тажриба алмашиш ва бугунги замонавий рассомчиликни ривожлантиришга кенг йўл очди.

“Мен мазкур Халқаро кўргазмада иккинчи марта қатнашаяпман. Очиғи, юртингизда санъатга бўлган эътибор мени ҳайратда қолдирди. Бундай тадбирлар замонавий ранг-тасвир ва дизайнинг янада равнақ топишига олиб келади. Инновацион қарашларнинг асарларда акс эттирилаётгани бу дунё рассомларининг ютуғидир, деб бемалол айта оламан”,-дейди АҚШ вакили Лаве Гаис.

Ўттиздан ортиқ рассом, санъатшунослар иштирокида Бухорода ўтган санъат биенналеси инновацион йўналишидаги ижод намуналарни хорижлик ижодкорларга яна бир карра намоён этиш, ўзбекистонлик мўйқалам соҳибларининг жаҳондаги бадиий ижодий жараёнларига тобора кўпроқ интеграциялашувини таъминлаш, мухлисларни истеъдодли ёшлар, уста-мусаввирлар, чет эллик ижодкорлар асарларидан бохабар қилиш учун кенг имконият яратди.

Бўлишинг:

Муҳаррир танлови

Тошкент қамоқхонасидаги маҳкумларнинг жанжали ўлим билан якунланди

Ички ишлар вазирлиги Жазони ижро этиш бошқармасига қарашли УЯ 64/38-сонли колонияда қасддан одам ўлдиргани учун жазо муддатини ўтаётган андижонлик 54 ёшли маҳкум Мухтор ...

Ўзбекистонда айрим озиқ-овқат моллари 70-80 фоизгача қимматлади

Ўзбекистонда ун, ёғ, гўшт, шакар ва бошқа озиқ – овқат маҳсулотларининг нархлари сўнгги ўттиз кунда 20 фоиздан 70 фоизгача кўтарилди. Озодлик республиканинг пойтахти ва ...

Майнавозчилик давом этмоқда: навбатда андижон!

Фермер ўзига ўзи душманми? Ҳосилнинг чўғи паст бўлишига атайлаб қасд қиладими? Шу билан ўзига бало орттиришга ишқивозми улар? Шу ва шу каби саволларга  ҳеч ким «ҳа» деб жавоб ...