Адаптер

АДАПТЕР (лот. adapto — мослаш- тираман) — 1) товушни  қайта  эшиттиришда — масалан  граммофон  пластинкаси  айланганда  нинанинг  ёки  торли  чолғу  асбоблари  торларининг  механик  тебранишини  товуш  частотасининг  электр  тебранишларига  айлантириб  берувчи  қурилма. 

Граммофон  адаптери  каллак  ва  тонермадан иборат. Каллак электромеханик  ўзгартиргич ҳисобланади. Тонерма стержень  кўринишида  бўлиб,  учига  каллак  ўрнатилади.  Каллакнинг  электромагнит  ва пьезоэлектрик хиллари бор. Электромагнит адаптер кенг тарқалган. Нина пластинкада юрганда тебранади ва тебранишлар  якорга узатилади, якорь тебранганда эса  қутб  учликлари  бўлган  доимий  магнит  вужудга  келтирадиган  магнит  оқими  ўзгаради,  ғалтакда  э.ю.к.  индукцияланади.  Бу  э.ю.к.  нинанинг  механик  тебранишларига  мос  равишда  ўзгариб  туради.  Адаптер да  вужудга  келадиган  электр  тебранишлари  кучайтирилади  ва  товуш  тебранишларига  айланади; адаптер электр ва акустик торли чолғу  асбоблари,  электрогитара,  гитара,  ўзбек  созлари (танбур,  гижжак  ва  бошқалар)да  ҳам  қўлланилади; 2) фотографияда — тузили- шида кўзда тутилмаган бошқа бичимдаги  ва турдаги ёруғлик сезгир материалларни  қўллашга имкон берадиган қўшимча кассета.  Пластинкали  фотоаппаратда 2 хил  плёнкали адаптер бўлади.

Манба:ЎзМЭ

Бўлишинг:

Муҳаррир танлови

Албания

АЛБАНИЯ, Албания Республикаси (Republika e Shgiperise) — Болқон ярим оролининг жануби-ғарбидаги давлат. Адриатика ва Иони денгизлари соҳилида жойлашган. Маъмурий жиҳатдан 36 ...

Иван iv грозний

ИВАН IV Грозний (1530.25.8, Коломенское қишлоғи — 1584.18.3, Москва) — «Бутун Руснинг улуғ князи» (1533 йилдан), 1-рус подшоси (1547 йилдан). Василий III нинг ўғли. ...

Яйра абдуллаева

АБДУЛЛАЕВА Яйра Умаровна (1930.14.8, Андижон) — Ўзбекистон халқ артисти (1964). Лизахоним Петросованинг қизи. Тошкент санъат институтини тугатган (1950). Ижоди Г. Раҳимова ...