АБСОРБЦИЯ (лот. absorbtio — ютилиш, absorbeo — ютаяпман сўзидан) — эритма ёки газ аралашмасидаги модда (абсорбат)ларнинг қаттиқ жисм ёки суюқлик абсорбентларга ҳажмий ютилиши.
Газларнинг суюқликларга Абсорбцияланишидан нефтни қайта ишлаш, кокс-бензол ва бошқа саноат соҳаларида фойдаланилади. Газларнинг буғ ва суюқликларда эриш даражасининг турлилигига асосланган ҳолда Абсорбциядан техникада газларни тозалаш ва ажратишда ҳамда уларни буғ газ аралашмаларидан ажратишда фойдаланилади. Абсорбцияга қарама-қарши жараён десорбция дейилади, у эритма ютган газни ажратиб олиш ва абсорбентни регенерация қилишда қўлланилади.
Манба:ЎзМЭ