Бошқа мавзуларТошкентнинг Яккасарой туманида газ чақнаши оқибатида Cobalt автомобили ёниб кетди. Ҳайдовчи куйиш жароҳатларини олиб, касалхонага ётқизилган.
«UzNews.uz»нинг ИИВ ЁХББга таяниб ёзган хабарига кўра, 7 декабрь куни фуқаро А.Ф.га қарашли Cobalt автомобили Яккасарой туманининг Қушбеги кўчаси бўйлаб ҳаракатланиб кетаётганида автомашинада ёнғин содир бўлган.
Тезкор ҳаракатлар натижасида ёнғин ўчирилган. Ёнғинни ўчиришга 2та ёнғин экипажи жалб қилинган бўлиб, ёнғин автомобиль салонида газ-ҳаво аралашмаси тўпланиб қолганлиги натижасида содир бўлган. Маълум бўлишича машина багажида маиший газ баллони мавжуд бўлган.
Ёнғин вақтида автомобиль ҳайдовчиси А.Ф. куйиш жароҳатларини олиб, касалхонага ётқизилган.
