Фарғонада МИБ ходими жиноятга қўл урди

Мажбурий ижро бюроси Фарғона туман бўлими давлат инспектори Умид Каримов ўз хизмат мавқеидан фойдаланиб, ўзганинг мулкини алдаш йўли билан қўлга киритиш мақсадида фирибгарлик жиноятига қўл урди. Бу ҳақда  ЎзА нашри хабар бермоқда.
Давлат инспектори лавозимида ишлаган У. Каримовнинг вазифаларига электр, табиий газдан фойдаланаётган истеъмолчилар томонидан тўловларни ўз вақтида тўланишини назорат қилиш, ўзига бириктирилган ҳудуддаги фуқароларнинг яшаш хонадонларига ўрнатилган электр ва табиий газ ҳисоблагич кўрсатгичларини кўрикдан ўтказиб, компьютер базасига киритиб бориш кабилар кирарди.
У Фарғона туманидаги “Илғор” маҳалласида яшовчи С.Хнинг яшаш хонадонига бориб, унинг фойдаланилган табиий газ учун тўловларини Мажбурий ижро бюроси Марғилон шаҳар бўлими давлат инспекторлари томонидан ундирилишини билса-да, нафснинг куйига учади. Унинг ҳақиқатда фойдаланилган табиий газдан бўлган 482 минг 928 сўм қарздорлигини 2 миллион 850 минг сўм деб, уни алдаб 150 АҚШ доллари миқдоридаги пулларини фирибгарлик йўли билан қўлга киритади. Ушбу пуллардан 50 АҚШ доллари миқдоридагисини 400 000 сўм пул ҳисобида С.Хнинг абонент ҳисоб рақамига тўлаб, қолган 100 АҚШ доллари миқдоридаги пулни ўзининг шахсий эҳтиёжлари учун сарфлаб юборади.
Жиноят ишлари бўйича Фарғона тумани судининг “Қорасув” маҳалла фуқаролар йиғинида бўлиб ўтган очиқ сайёр суд мажлисида У. Каримовнинг жиноят иши кўриб чиқилди. Суд мажлисида судланувчининг чин дилдан пушаймонлиги, оилавий шароити, жиноят иши бўйича моддий зарар тўлиқ қопланганлиги эътиборга олинди. Унга Ўзбекистон Республикаси Жиноят Кодекси 168-моддаси 3-қисмининг “в” банди билан ЖКнинг 45-моддасини қўлланилиб, 2 йил муддатга мансабдорлик ва моддий жавобгарлик лавозимларида ишлаш ҳуқуқидан маҳрум қилиниб, иш ҳақининг йигирма фоизини давлат даромади ҳисобига ушлаб қолган ҳолда икки йил муддатга ахлоқ тузатиш ишлари жазоси тайинланди.
Бўлишинг:

Муҳаррир танлови

Осиёнинг энг ёш it-миллиардери қандай қилиб бойигани ҳақида

  ШУҲРАТ САТТОРОВ   548  27/08/2017 Forbes журнали яқинда DJI компаниясига асос солган хитойлик Фрэнка Ван Таонинг капиталини ҳисоблаб, уни технология йўналиши бўйича ...

Ашраф ғани митинг ўтказаётган вақтда портлаш содир бўлди

Афғонистоннинг Парвон вилоятида ўтказилган сайловолди митингида юз берган портлаш туфайли 24 киши ҳалок бўлди, 31 киши яраланди. Жангал Боғ туманидаги митингда мамлакат ...

Жаҳон чемпионати баҳслари авжида

Кеча тунда жаҳон футбол юлдузлари ФИФА ташкилоти ҳамда бир қатор журналистлар билан бирга сонсиз блоггерлар  Россиянинг Москва шаҳрида тӯпландилар. Чунки 2018 йилда ӯтадиган ...