Ўзбекистон туманида ўқитувчилар йўқ нарса учун қарздор қилинмоқда

Фарғона вилоятининг Ўзбекистон туманида 49-мактаб бор. Ўқувчи кўп, таълим икки сменада берилади. Ўқитувчилар, мактаб ишчилари орасида узоқдан (дейлик, Қўқондан) қатнайдиганлари ҳам бор, деб ёзади телеграмдаги «Daryo—LIVE» канали.

Фото: «Дарё»

Ўтган дам олиш кунлари шу мактаб ходимлари билан боғлиқ бир ғалати иш бўлибди. Якшанба — бозор куни. Ўқитувчилар ҳам эл қатори бозорга тушиб, бозорлик қилиб, охирида мактабдан берилган пластик карточкани сотувчиларга тутқазса, пластик карточка ишламасмиш-да. Блок бўлиб қолган экан.

Бир эмас, икки эмас, ўнлаб ўқитувчилар пластик карточкани берган банкка бориб, «Нима бу аҳвол?», деб сўраса, банкдагилар Мажбурий ижро бюросини кўрсатиб юборибди: «Ўша ердан коммунал тўловлардан қарзингиз йўқлиги ҳақида справка олиб келинг, карточкангизни блокдан чиқариб берамиз», дейишибди.

Бечора ўқитувчилар базўр вақт топиб (улар ҳам одам — икки смена дарс беришдан ташқари оила, бола-чақасига ҳам қараши керак!), МИБга борса, у ердагилар: «Ичимлик сувидан қарзингиз бор, мана, «Сувоқава»дан қарздорлар рўйхати келган, қарзингизни ёпинг, маълумотнома берамиз, карточкангизни ишлатаверасиз», дебди.

«Қарзи бўлса, тўласин-да энди, нима тўполон?», дейишингиз мумкин. Муаммо шундаки, «ичимлик сувидан қарздор»лиги учун карточкаси блокланиб қолган аксарият ўқитувчи ва ходимлар яшайдиган жойларда ичимлик сувининг ўзи йўқ экан-да.

«Банкка бордим. Улар МИБга жўнатишди. МИБ ходимлари ичимлик сувидан 115 минг сўм қарзингиз бор экан, тўлаб келинг, дейишди. Биз яшайдиган Эски Яйпан маҳалласида ичимлик сувининг ўзи йўқ. Қандай қилиб йўқ сувга қарз бўлишим мумкин?» — дейди математика фани ўқитувчиси Ҳулкарой Маҳмудова.

«Янги ҳаёт қишлоғида яшайман. Қишлоғимизда ичимлик суви йўқ. Лекин сувдан 178 минг сўм қарз чиқариб, пластик картамни блоклаб қўйишибди», — дейди мактаб ходими Маъруфжон Сайдалиев.

«Ичимлик сувидан 118 минг сўм қарздорлик ҳисоблаб, пластик картамни блоклаб қўйишибди. Аслида бизда ичимлик суви йўқ. Қудуқ сувини тиндириб ичамиз. Сув бўлганда, албатта, пулини вақтида тўлар эдик», — дейди бошланғич синф ўқитувчиси Хуршида Йигиталиева.

Бўлишинг:

Муҳаррир танлови

Фан олимпиадаларидаги ғирромликлар, порахўрлик ва бошқа ҳолатлар ҳақида

Фан олимпиадаси ва билимлар беллашуви мусобақалари, таълим тизимида ҳақиқий билимли ва иқтидорли ўқувчиларни саралаб олиш учун хизмат қилади, деганлар хато қилади. Гарчанд ...

Ўзбекистон бош прокуратурасида янги бошқарма ташкил этилди

Бош прокуратура тузилмасида Айдар-Арнасой кўллар тизимини ривожлантириш соҳасида қонунчилик устидан назорат бошқармаси ва Бош прокуратура ҳузуридаги Департаментда ...

Қувада миб ходимини оёғига темир билан уриб жароҳат етказишди

Сўнгги вақтларда МИБ ходимига қаршилик кўрсатиш, жароҳат етказиш ҳолатлари кузатилмоқда. МИБ Қува туман бўлими давлат ижрочиси Ў.Т (1997 й.т.) қарздор М.Х. дан (1986 й.т.) ...