Касби пахта тозалаш заводи раҳбарлари кузатув камерасини ўчириб 213  миллион сўмлик чигитни ўғирлашди

“Қашқадарё” газетасининг хабар беришича, Жорий йилнинг 21 январь куни “Касби пахта тозалаш” акциядорлик жамиятининг тарозихонасидаги кузатув камераси  соат 11:56 дан  12:58 гача бўлган вақт оралиғида негадир ишламаган.

Хўш, бунинг сабаби нима экан?

Бу саволга Бош прокуратура ҳузуридаги Агросаноат мажмуи ва озиқ-овқат хавфсизлиги таъминланиши устидан назорат қилиш инспекцияси вилоят бошқармаси ходимлари томонидан корхонада ўтказилган ўрганиш натижаларидан сўнг жавоб топилди.

Мазкур корхонанинг мансабдор шахслари олдиндан ўзаро тил бириктириб, кузатув камерасини  бир соатдан кўпроқ вақт давомида ўчириб қўйишган. Бу вақт ичида эса умумий нархи 213  миллион 229 минг 279 сўм бўлган техник чигит сохта ҳужжатлар ёрдамида ноқонуний равишда корхонадан чиқариб юборилган. Бу маҳсулот кейинчалик гуруҳ аъзолари томонидан талон-тарож этилган.

Айни вақтда ҳолат юзасидан “Касби пахта  тозалаш” АЖ мансабдор шахсларига нисбатан Жиноят кодексининг тегишли моддалари билан жиноят иши қўзғатилиб, иш дастлабки  тергов  ҳаракатларини  олиб  бориш  учун  вилоят прокуратурасига юборилган.

 

Бўлишинг:

Муҳаррир танлови

Суд котибаси нега ишдан ҳайдалди?

(Ёхуд мурдани суд қилиб ҳукм чиқарган судъя қаерда) Ҳаётда ҳаммма нарса ўткинчи, амал ва бойлик келиб кетувчи нарса , ИНСОНДАН фақат яхшилик ва яхши номгина қолади. Айнан шу ...

Фарғонада коллеж ўқувчиси мактаб ўқувчисини пичоқлади

Коллежнинг 3-босқич ўқувчиси ўрта умумтаълим мактабининг 11-синф ўқувчисини пичоқлади. Бу ҳақда ИИВ нинг матбуот ҳизмати маълум қилди. Иллюстратив фото 2019 йил 28 февраль ...

Қаршида“evro engineering” компанияси  ишчиларининг маоши ўғирланди

2018 йил 6 сентябр куни номаълум шахс Қарши шаҳрида жойлашган “Uzbekistan GTL” заводида қурилиш ишларини олиб бораётган “Evro Engineering” компаниясининг хизмат хонаси ...