Ўзбекистонда мактабни олтин медаль билан битирган ўқувчиларга ОТМга кириш имтиҳонида имтиёз берилмайди

Бир неча кун аввал Ўзбекистонда мактаб ва академик лицейларнинг иқтидорли битирувчиларига олтин ва кумуш медаллар берилиши ҳақида хабар берилган эди. Шундан сўнг айрим Telegram-каналларда олтин медаль олган ўқувчиларга олийгоҳга кириш имтиҳонларида тўплаган умумий балига 50 фоиз, кумуш медаль олган ўқувчига эса 30 фоиз балл қўшиб берилиши ҳақида маълумотлар тарқалди.

 

Халқ таълими вазирлигидан маълум қилишларича, «олтин ва кумуш медаллар билан тақдирланган ўқувчиларга имтиёзлар берилиши кўзда тутилмаган».

«Таъкидлашим жоизки, олтин ва кумуш медаллар аъло баҳоларда ўқиган ўқувчиларга берилишини инобатга олсак, кириш имтиҳонларида имтиёзли баллар берилмаса-да, улар ўз билимларини кўрсата олишлари лозим. Қолаверса, Халқ таълими вазирлиги олий ўқув юртига кириш учун талабгор ёшларга тенг имкониятлар тақдим этиш тарафдори», — дейилади вазирлик баёнотида.

У ҳолда бу медалларнинг нима кераги бор, деган ҳақли савол туғилиши мумкин. «Бундан кўзланган мақсад — ўқувчиларнинг таълим олишга бўлган қизиқишларини янада ошириш, улар ўртасида соғлом рақобатни шакллантириш, коррупцион ҳолатларни олдини олиш ва иқтидорли ўқувчилар билимини рағбатлантиришдандир», — дейди бунга жавобан вазирлик.

Қиссадан ҳисса — мактабни битираётган вақтда бериладиган олтин ва кумуш медаллар «мактабни олтин/кумуш медаль билан битирганман» деб мақтаниш ҳуқуқинигина беради холос, ундан ортиқ ҳеч нарса эмас.

Манба:Daryo — LIVE

Бўлишинг:

Муҳаррир танлови

Туркманистонда оқ либос кийиш тақиқланди ва лабларига ботокс қўйган 50 га яқин стюардесса ишдан бўшатилди

Туркманистонда аёллар ва қизларнинг шахсий ҳаёти устидан назорат кучайтирилиб, уларнинг ташқи кўриниши ва хатти-ҳаракатларига қўйилаётган талаблар рўйхати кундан-кунга ...

Ақшда юк машинадан 42 кишининг жасади топилди

Америка Қўшма Штатларидаги Техас штатининг Сан-Антонио шаҳрида юк машинасидан 42 кишининг жасади топилгани маълум қилинди. АҚШ оммавий ахборот воситаларидан ўрин олган ...

Португалияда юрак хуружи натижасида ўзбекистон фуқароси вафот этди

15 июль куни Португалиянинг Фаро провинциясида юрак хуружи натижасида Ўзбекистон фуқароси С.А. вафот этган. Бу ҳақда Ўзбекистоннинг Мадрид шаҳридаги элчихонаси берган ...