Бошқа мавзуларЎзбекистонлик икки йигит Россия Федерациясига автобус юкхонасида, чегара назоратини четлаб ўтган ҳолда киришга уринди. Бу ҳақда «Nuz» нашрига таяниб “7news.uz” сайти ёзмоқда.
Иккала қоидабузарга ҳам мамлакат ҳудудига кириш 2020 йил охирига қадар тақиқланган эди, шу сабабли улар Россияга ноқонуний кирмоқчи бўлган. Ўзбекистонликлар автобус ҳайдовчисига пул тўлаган, у эса чегарани кесиб ўтишда йигитларни юкхона бўлимидаги пана бурчакка яшириб қўйган.
Қоидабузарлар Кулундинский тумани ҳудудида Россия билан чегарани муваффақиятли кесиб ўтган, уларни чагарачилар пайқамаган. Аммо ўша куниёқ Новосибирск вилояти ҳудудида уларни Россия Федерал хавфсизлик хизмати Чегара бошқармаси органлари қўлга олган.
Ўзбекистон фуқароларига нисбатан жиноят иши қўзғатилган. Олтой ўлкаси прокуратураси маълумотларига кўра, мамлакат ҳудудига ноқонуний кирганлик учун йигитлар олти йилгача озодликдан маҳрум бўлиши мумкин.
