Airbus Ўзбекистонга 34 та вертолёт етказиб бермоқчи

Франциянинг Airbus авиасозлик компанияси 17 апрель куни Ўзбекистонга 34 та вертолёт етказиб бериш мақсади ҳақидаги мактубни имзолади. Бу ҳақда айни вақтда Тошкентда ташриф билан бўлиб турган Франциянинг ташқи ишлар ва Европа масалалари бўйича вазири ҳузуридаги давлат котиби Жан-Батист Лемуан маълум қилди.

«Бу бир неча йиллардан бери амалга оширилаётган лойиҳа бўлиб, энди уни давом эттириш ҳақида сўз бормоқда. Ўзбекистон суверенитетини мустаҳкамлашга кўмак берадиган ушбу вертолётлар тегишли хизматларни, масалан, тиббиёт эвакуациясини транспорт билан таъминлаш имконини ҳам беради», — деди у.

Жан-Батист Лемуаннинг сўзларига кўра, бунда гап Ecureuil («Олмахон») модели ҳақида бормоқда. Ушбу вертолёт баланд тоғли ва жазирама иқлим шароитида фойадланиш учун мослаштирилган. Ишлаб чиқарувчи маълумотларига кўра, мазкур вертолётдан кўплаб мақсадларда, хусусан, ўт ўчириш, электр узатиш линияларини мониторинг қилиш, юк ташиш, ҳосилларни чанглантириш, аэровидеосъёмка, парашютлаштириш ва геологик разведка ишларида фойдаланиш мумкин.

«Газета.уз»нинг қайд этишича, вертолётларнинг қиймати ва етказиб бериш вақти маълум қилинмади, бироқ Жан-Батист Лемуаннинг таъкидлашича, давлат котибининг 17 апрель куни Абдулла Арипов билан бўлиб ўтган учрашувида Ўзбекистон бош вазири «қўлланган чегирмадан мамнун эканлигини билдирган».

Аввалроқ Ўзбекистон Ички ишлар вазирлиги иккита вертолёт сотиб олмоқчи экани маълум бўлган эди. Бундан ташқари, Президент Шавкат Мирзиёев санитар авиацияси учун ҳаво кемалари сотиб олиш бўйича 2020 йилгача таклиф киритиш ҳақида топшириқ берган.


Манба:Daryo — LIVE

Бўлишинг:

Муҳаррир танлови

Ўзбекистондаги қамоқхоналар ўзини ўзи боқишга ўтади

  Президент Мирзиёев 11 августда имзолаган қарорда ички ишлар идораларининг озодликдан маҳрум қилиш билан боғлиқ жазони ўташ соҳасидаги фаолиятини тубдан такомиллаштириш ...

Буюк британияда инфляция кескин ўсди

Буюк Британияда инфляция юқори даражага етди. Охирги 12 ой ичида истеъмол товарларининг нархлари 5,5 фоизга қимматлади. Бу ҳақда Миллий статистика хизматига таяниб, The ...

«пойабзаллар ичидаги йиртиқ пайпоқлар». кўзбўямачилик, тадбирбозлик ва маддоҳлик ҳақида

Бир йилдирки мамлакатимизда жиддий ислоҳотлар бошланди. Номигагина, кўзбўямачилик учун эмас, ҳақиқатда ислоҳ қилиш учун, халқнинг юкини енгил қилишга, мажруҳланган ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400