Ички ишлар вазирлигига қарашли Тошкент вилояти Зангиота туманида жойлашган жазони ижро қилиш манзил колонияси жиноят қидирув тезкор бўлими подполковниги бўлган А.А ўзини арқон билан осгани айтилмоқда.
Бу борада ҳозирча расмий маълумот берилгани йўқ. Бу воқеа ортидан Прокуратура томонидан ИИВ ички хавфсизлик инспекцияси билан ҳамкорликда дастлабки тергов олди ҳаракатлари олиб борилмоқда.
Манбанинг айтишича, Зангиотадаги манзил колонияларидан бирида жазо муддатини ўтаётган маҳкумлардан бири назоратчи билан «келишган» ҳолда кўчага чиқиб кетган ва айни пайтда бунинг ортидан ҳам текширув ишлари олиб борилмоқда.
Бу борада Бош Прокуратура ва ИИВ томонидан расмий маълумот тайёрлаётгани ҳамда яқин вақт оралиғида расман маълум қилиниши айтилди.
Хорижий ОАВ орқали биринчилардан бўлиб берилган маълумотга кўра, подполковник ўз жонига қасд қилган бўлиши мумкин.
Бу борада тез фурсатда аниқ ва батафсил маълумот беришга ҳаракат қиламиз.
Манба: “7news.uz”