Бошқа мавзуларБугун Маҳмуджоннинг онаси шахсий саҳифасида пост қолдирган экан. Гўёки ота-оналар келишиб, “Хайр боғча” тадбирига 100 минг сўмдан пул йиғилаётгани, бунинг ичига боғчага ремонт, болаларнинг чиқимлари ва боғча опага совға ҳам кириши ҳақида эди у.
Нима бўлибди, дейсизми? Унга дарҳол жавоб қайтаришибди. Айбдор топилиб, жазоланаётган экан.
«Мен боғча тарбиячисини ишдан бўшатяпман. Мен ҳеч қандай совға-саломга, ремонтга пул йиғ, демаганман», дермиш боғча мудираси.
Нима, мудира хонимлар Ойдан тушганми? Ёки унинг изнисиз томоқ қиришга ботинолмайдиган боғча опалар шунчалик ўзбошимча бўлиб кетганми? Бунга ишониш қийин.
Наҳот, мудира болалар расм чизиб, бўяши учун қоғоз-қалам, қўл ювиб артишига суюқ совун ва сочиқ, ҳатто ҳожатхона қоғози, пол латтасигача ота-оналари олиб бориб бераётганини билмаса? Ремонт учун бўёқлар қаердан келаётганидан ҳам бехабар чиқар ҳали. Қанақа ранг, неча литрли идишда, қайси фирманикидан олиш кераклигигача ёзиб беришади-ку?!
Нега яна ҳолвани бошқалар еяптию калтак етимнинг бошига тушяпти? Нега?
Ота-онларнинг пули ошиб-кетганидан беришмайди. Азборайи боласини ўйлаб, кун давомида уларнинг қўлига қўш қўллаб топшириб кетаётгани учун ҳаммасига кўз юмади.
