2 август куни «Олмаота — Тошкент — Термиз» йўлининг Қозоғистоннинг Туркистон вилоятидан ўтган бўлагида беш кишининг ўлимига сабаб бўлган йўл-транспорт ҳодисаси юз берган.
Ўзбекистоннинг Олмаотадаги бош консуллиги маълумотларига кўра, қурбонлар орасида ўзбекистонлик Ф.Т., Д.А. ва Р.Ж. бор; қайд этишларича, Р.Ж. олган тан жароҳатлари оқибатида Чимкент шаҳар касалхонасида вафот этган.
Ўзбекистоннинг Олмаотадаги бош консуллиги марҳумларнинг жасадларини Ватанга юбориш бўйича уларнинг оила аъзоларига консуллик-ҳуқуқий ва ташкилий масалаларни ҳал қилишда ёрдам кўрсатмоқда.