Бошқа мавзуларЎзбекистон Қуролли Кучлари “Ejder yalçın” 4Х4 русумидаги 24 та турк зирҳли машинасини қабул қилиб олди. Бу ҳақда Дунё қурол савдоси маркази Туркия Ҳарбий-саноат комплекси маълумотларига асосланиб хабар берди.
Манбада айтилишича, 2017 йилда Туркиянинг Nurol Makina хусусий мудофаа компанияси UzAuto билан ўзаро англашув меморандумини имзолаган. Унда Ўзбекистон корхоналарида 1000 та “Ejder yalçın” зирҳли машинасини ҳамкорликда ишлаб чиқариш кўзда тутилган эди. Ушбу ҳужжатда Ўзбекистонга ушбу русумдаги 24 та техникани етказиб бериш, келгусида уларни ўзбек корхоналарида ҳам ишлаб чиқариш ва учинчи давлатга сотишга рухсат бериш белгилаб берилган.
Қайд этилишича, зирҳли машиналардан чегараларни қўриқлашда фойдаланилади.
Маълумот учун, “Ejder yalçın” техникаси Туркия қуролли кучлари томонидан мамлакат шарқи ва Суриядаги амалиётларда кенг қўлланилган. 2019 йил май ойида мазкур турдаги зирҳли машиналарни Венгрияга ҳам етказиб бериш бўйича музокаралар олиб борилаётгани маълум бўлганди.
