Магницкий рўйхати… (ёхуд давлат мулкини талон-тарож қилганлар рўйхати)

2007 йилда Россия бюджетидан 5,4 миллиард рубл ўғирланган, бу тарихдаги Россия давлат бюджетидан энг катта маблағларни ўғирлаш ҳисобланади.

Ушбу жиноятни биринчи бўлиб кашф этганлар Hermitage Capital Management инвестиция фондининг қонуний манфаатларига хизмат қилувчи Файрстоун Дюнкан (Firestone Duncan) компаниясининг ходимлари эди. Улар орасида Эдуард Хаиретдинов, Владимир Пастухов, Жэймисон Файрстоун (Jamison Firestone) ва Сергей Магницкий бор эди.

Улар бюджет маблағларини ўғирлаш бўйича тергов-суриштирувни бошлайдилар, унинг доирасида жиноятда иштирок этганларнинг рўйхати, шу қаторда Россиянинг турли ижро этувчи ҳокимиятининг ўнлаб ходимлари ҳам аниқланди.

2008 йил 24 ноябрда Сергей Магницкий Эрмитаж сармоясини бошқариш фонди раҳбари Билл Браудерга (William Felix Browder) солиқ тўлашдан бўйин товлашда ёрдам берганликда айбланиб ҳибсга олинади. 11 ойлик тергов ишларидан пайтида Сергей Москва шаҳридаги 1-тергов ҳибсхонасида вафот этади. Уни ҳибсга олиш ташаббуси ўғирликнинг асосий иштирокчиларидан чиққан. Айбимизни билиб қолди деб йўқ қилишган.

2010 йил апрел ойида сенатор Бенжамин Кардин АҚШ Давлат котиби Ҳиллари Клинтондан ушбу ўғирликда ва Сергейнинг ўлимида иштирок этган 60 нафар Россия амалдорлари учун АҚШ визаси йўлагини ёпишни сўраган. Ўша йилнинг май ойида марҳум С. Магницкийнинг оиласига Президент Барак Обамадан расмий ҳамдардлик билдирилган. 2010 йил сентябр ойида АҚШ Конгресси Кардиннинг ташаббуси учун овоз берди. Кейинчалик Европа Парламенти ҳам декабр ойида шундай қилди.

Мана, қисқача “Магницкий” иборасининг тарихи. Ҳозирда ушбу резолюция кўплаб давлатларда амал қилмоқда.

“Магницкий рўйхати”, “Магницкий акти” деган ибораларни эшитсангиз, нима экан бу деб юрманг. Дунёда шунақа рўйхат бор. Ва унга ўз давлати мулкини ноқонуний йўл билан талон-тарож қиладиганлар киритилади. Уларнинг хориждаги барча ҳисоблари музлатилади. Бу рўйхатга киритилганларга виза берилмайди.

Мабодо, сиздан шу рўйхатга мамлакатингиздан кимни киритиш керак деб сўраб қолишса, нима деб жавоб берган бўлардингиз?

Баҳодирхон Элибоев

Бўлишинг:

Муҳаррир танлови

Қирғизистонда isuzu​ ва ravon​ моделлари ишлаб чиқарилиши режалаштирилмоқда (аудио)

2018 йилдан бошлаб Қирғизистондаги 4та шаҳарда Ravon автомобиллари ва Isuzu автобуси ишлаб чиқарилиши режалаштирилмоқда. Заводлар Қирғизистоннинг Бишкек, Ўш ва Қора-Болта ...

Карманалик қассоблар эшак ва ўлган мол гўштини сотган вақтда қўлга олинди

Мазкур ҳолат Иқтисодий жиноятларга қарши кураш департаменти Навоий вилоят бошқармаси томонидан олиб борилган тезкор тадбирлар давомида жорий йилнинг 18 июль куни аниқланган, ...

Ўзбекистонда давлат хизматчиларининг даромадлари декларация қилинади

Муайян тоифадаги давлат хизматчиларининг мулки ва даромадларини декларация қилиш тизими босқичма-босқич жорий этилади. Бу ҳақда ЎзА маълум қилмоқда. Президентнинг 2019 йил 27 ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400