Марказий банк ички валюта бозорини шарҳлади (2019 йил январ-сентябр ҳолатига кўра).
Валюта айирбошлаш шохобчалари орқали тижорат банклари билан аҳоли ўртасида амалга оширилган валюта олди-сотди (нақд ва нақдсиз шаклда) операцияларининг жами ҳажми 3,6 млрд $га етди.
Бунда аҳолидан сотиб олинган валюта маблағлари 2,5 млрд $ни, аксинча уларга сотилган валюта миқдори 1 млрд $ни ташкил этди.
Тижорат банкларининг аҳоли билан валюта олди-сотда операциялари ҳажми ўтган йилнинг шу даврига нисбатан 1,4 баробарга ошди.
Миллий валютанинг чет эл валютасига нисбатан курси ички валюта бозорида мавжуд талаб ва таклифдан келиб чиқиб 13% га пасайди.
Ушбу давр мобайнида валюта курсининг минимал ва максимал кўрсаткичи мос равишда 8 334 сўм/$ (январ ойида) ва 9 457 (сентябр ойида) сўм/$ни ташкил этди.
Жорий йилнинг август ойида амалга оширилган чора-тадбирлар натижасида алмашув курсининг янги бозор шароитларига мослаштирилишидан сўнг сентябр-октябр ойларида валюта биржасида алмашув курси динамикасининг барқарорлиги кузатилиб, макроиқтисодий шароит ва омилларни инобатга олган ҳолда йил якунига қадар кескин ўзгариши кутилмаяпти.