Тўрақўрғонда «Агробанк» ходими тадбиркор билан ҳамкорликда кредит пул маблағларини талон-тарож қилди

Кредит маблағлари талон-тарож қилинганлиги юзасидан «Тўрақўрғон А.Т.» МЧЖ раҳбари Ғ.Т. (1981 й.т.) АТБ «Агробанк» Тўрақўрғон тумани филиали бўлим бошлиғи Н.Э. (1990 й.т.) билан биргаликда ушбу банкдан 4 нафар фуқароларнинг номларига жами 99,2 млн. сўм кредит пул маблағларини иссиқхона қуриш мақсадида олиб, талон-тарож қилганликлари аниқланган.

Мазкур ҳолат юзасидан Департаментнинг Тўрақўрғон тумани бўлими томонидан ЖКнинг 167-моддаси 2-қисми «б, в» бандлари билан жиноят иши қўзғатилган.

Бош прокуратура Матбуот хизмати раҳбари Хаёт Шамсутдиновнинг хабарига кўра, тергов ҳаракатлари олиб борилмоқда.