Туркиянинг TAV Airports Holding ширкати Олмаота халқаро аэропортининг юз фоизлик акцияларини сотиб олди. Бу ҳақда tengrinews нашри хабар бермоқда.

Шартнома 415 миллион долларга имзоланди.

TAV Airports Holding Олмаотадан ташқари яна 14 та аэропортга эгалик қилади.

Компания 1997 йилда Tepe ва Akfen компаниялар гуруҳи томонидан ташкил этилган. Асосий фаолияти Истанбулдаги Отатурк аэропорти, Эсенбоға аэропортининг халқаро терминали (Анқара), Аднан Мендерес (Измир), Ғозипошо-Анталия, Туркиянинг Милас-Бодрум аэропортларидаги халқаро терминалларни бошқариш ҳисобланади.

Компания 2018 йилда 152 миллион йўловчига хизмат кўрсатган ҳамда қарийб 1 миллион рейсларни амалга оширган.