Франция парламентининг қуйи палатаси Хитойнинг Шинжон ҳудудидаги уйғур ва бошқа туркийзабон мусулмонларга қарши “инсониятга қарши жиноятлар ва геноцид”ни қораловчи резолюцияни қабул қилди. Худди шундай ҳужжат аввал Буюк Британия, Нидерландия ва Канада парламентлари томонидан қабул қилинган.
20-январда Миллий ассамблея томонидан қабул қилинган қарорни 169 депутат қўллаб-қувватлади, бир нафари қарши чиқди. Ҳужжат озчилик миллатларни ҳимоя қилиш учун халқаро ҳамжамиятни Хитойга қарши зарур чораларни кўришга чақиради. Резолюцияга қарши чиққан ягона шахс президент Эммануель Макрон партиясидаги сиёсатчи, Франция-Хитой ҳамкорлик гуруҳининг раҳбари Буон Тандир.
Йиллар давомида халқаро ҳамжамият Пекинни мусулмонларни таъқиб қилишда ва Шинжонда геноцид содир этишда айблаб келади. Ҳуқуқ фаоллари Хитойда мусулмонларни сиёсий лагерларда оммавий қамоққа олиш, меҳнатидан фойдаланиш, аёлларни мажбурий аборт қилиш, дин ва маданиятидан маҳрум қилиш каби инсон ҳуқуқларининг қўпол равишда поймол этаётганини айтиб келмоқда. Пекин буни рад этиб келади.