Бошқа мавзуларАҚШ Давлат котиби Энтони Блинкен Россияга огоҳлантириш сифатида санксциялар қўллаш чақириқларини рад этди. Бундай ҳаракат Ғарб Москванинг Украинага қарши эҳтимолий тажовузининг олдини ололмаслигини англатади, дейди Блинкен. Давлат котиби бу ҳақда 23-январь куни CNN телеканалида маълум қилди.
Россия қўшинларининг ишғол қилинган Қрим ва Украина билан чегара ҳудудида жойлашиши Россия ҳужуми ечимини топган деган хавотирни уйғотди. Москва қўшни давлатга бостириб кирса, Вашингтон ва унинг Европадаги иттифоқчилари иқтисодий санкциялар жорий қилиши ҳақида огоҳлантирмоқда. Россия расмийлари ҳарбий тажовуз қилиш режалари йўқлигини айтишмоқда.
Украина президенти Владимир Зеленский Ғарб ҳозирданоқ санкциялар киритиши кераклигини айтди. Унинг айтишича, Россия ҳужумидан кейин жорий қилинган санкциялар унинг давлатига ёрдам бермайди.
Блинкен юқоридаги интервьюсида “биргина рус аскари Украинага агрессив тарзда кирадиган бўлса”, АҚШ ва Европа тез ва кескин жавоб қайтариши ҳақида огоҳлантирган.
