Бошқа мавзуларБирлашган Миллатлар Ташкилотининг Болалар жамғармаси (ЮНИСEФ) Сомалидаги қурғоқчиликдан жабр кўрган 1,4 миллион болага шошилинч ёрдам кўрсатишга чақирди.
ЮНИCEФ томонидан берилган ёзма баёнотда, қурғоқчилик туфайли 4 миллиондан ортиқ киши шошилинч ёрдамга муҳтож бўлган ўлкага ёрдам тезлаштирилмаса, гуманитар вазият янада ёмонлашиши мумкин.
Маълумотларга кўра, жорий йилда 1,4 миллион боланинг чорак қисми тўйиб овқатланмасликдан азият чекади.
ЮНИCEФ халқаро ҳамжамиятни инсонпарварлик ёрдамини оширишга чақирди. Март ойи охирига қадар 100 мингта тайёр тиббий озиқ-овқат пакетларини харид қилиш учун 7 миллион доллар керак бўлиши айтилмоқда.
ЮНИCEФ вакили Анжела Кирни бундай миқёсдаги гуманитар инқирозлар болаларга мутаносиб равишда таъсир қилмай қўймайди.
“Бу йилги кўрсаткичлар жуда юқори. Шошилинч чора кўрилмаса, минглаб болалар ўлим хавфи остида қолади”, – дейди у.
Бирлашган Миллатлар Ташкилоти Шарқий Африкада 1980-йиллардан бери содир бўлган энг даҳшатли қурғоқчилик тўлқини13 миллионга яқин одамни очликка дучор қилганини маълум қилади.
Сўнгги икки ойда 700 минг қишлоқ хўжалиги ҳайвонлари нобуд бўлган Сомалида 2011 йилда қурғоқчилик ва озиқ-овқат инқирози туфайли 260 мингга яқин одам ҳалок бўлди.
