Ҳиндистон шимолидаги Уттар-Прадеш штатидаги тўй чоғида 13 киши қудуққа тушиб, ҳалок бўлди. Бу ҳақда BBC хабар берди.
Маълум бўлишича, воқеа 16-февраль куни Ҳиндистоннинг“Халди” маросими чоғида, келин-куёв юзларига куркума пастасини сураётган вақтда содир бўлган.
Маросимни томоша қилиш учун келган аёллар ва болалар қудуқ тепаси ва атрофида туришган. Натижада қудуқнинг тунука қопқоғи оғирликни кўтаролмай синиб кетган.
Фалокатга 20 дан ортиқ киши дучор бўлган. Улардан 11 нафари қудуқ ичида вафот этган. Қолганлари шифохонага етказилиб, у ерда яна икки нафари вафот этган.
Уттар-Прадеш бош вазири Йоги Адитянат қурбон бўлганлар оилаларига ёрдам бериш ўтиничи билан туман ҳокимиятига мурожаат қилди.