Бобомурод Абдуллаевнинг адвокати илк бор у билан учрашди

Бир ярим ойдан буён Тошкентдаги МХХ тергов изоляторида ушлаб турилган журналист Бобомурод Абдуллаевнинг адвокати сешанба куни илк бор ўз ҳимоясидаги шахс билан учрашган.

Мақола Би-би-си сайтидан олинди

Адвокат Тўлқин Орифжоновнинг ҳибсдаги журналист билан учрашгани ҳақидаги хабарни Би-би-сига Бобомурод Абдуллаевнинг аёли Катя Балхибаева тасдиқлади.

Унинг сўзларига кўра, учрашув МХХ томонидан ташкил этилган ва унда адвокат ҳамда маҳбусдан ташқари тергов мулозимлари ҳам иштирок этган.

“Худди мен билан учрашгандаги сингари, беш киши қатнашибди”, – деб айтди Катя Балхибаева.

Би-би-сига маълум бўлишича, адвокат Бобомурод Абдуллаевдан қийноққа солиниб-солинмагани ҳақида сўрамаган.

Аммо мустақил ҳуқуқ фаоли Суръат Икромовнинг адвокатдан иқтибос келтиришича, у Бобомурод Абдуллаевда қийноқ белгиларини кўрмаган, маҳбуснинг ўзи ҳам қийноқлардан шикоят қилмаган.

Тўлқин Орифжонов журналистни ҳимоя қилиш учун унинг оиласи ва жамоатчилик вакиллари томонидан ёлланган мустақил адвокатдир.

Бобомурод Абдуллаевни ҳибс қилиш ҳақида Юнусобод туман маҳкамаси шу йилнинг 1 октябр куни чиқарган ажримда номи келтирилган адвокат Шарипов Ш.М ҳақида ҳозирга қадар ҳеч нарса маълум эмас.

Бу Бобомурод Абдуллаевнинг шу йил 27 сентябрда ҳибсга олинганидан буён адвокат билан илк учрашувидир.

Аввалроқ МХХ журналистнинг оиласига мустақил адвокатдан воз кечиш борасида босим ўтказгани хабар қилинганди.

Журналист оила-аъзолари, жумладан, онаси Гавҳаржон аянинг у билан учрашишга рухсат беришни сўраб, тергов идораларига қилган мурожаатлари натижа бермаган.

44 ёшли Бобомурод Абдуллаев расман “Усмон Ҳақназар”имзоси остида “амалдаги тузумни ўзгартиришга чақирувчи” мақолалар чоп этиш ва Ўзбекистонда “инқилоб қилиш”га уринишда гумонланмоқда.

Халқаро Амнистия ва Ҳьюман Райтс Уотч инсон ҳақлари ташкилотлари Ўзбекистон ҳукуматининг Бобомурод Абдуллаевни зудлик билан ва шартсиз ҳибсдан озод этишга чақирганлар.

Бўлишинг:

Муҳаррир танлови

Президент ўзининг портретларини идораларга осиб қўймасликни сўранди

Қирғизистон президенти Садир Жапаров ўз портретини ҳукумат бинолари ёки идораларига осиб қўймасликни сўранди. Бу ҳақда президентнинг матбуот котиби Галина Байтерек маълум ...

Тошкентдаги 7 та бозорнинг раҳбарларига нисбатан жиноят иши қўзғатилган

Бош прокуратура томонидан Тошкент шаҳар Савдо департаменти, хизматлар кўрсатиш ва халқ истеъмоли товарларини ишлаб чиқариш соҳасидаги корхоналар ва “Бек тўпи савдо ...

Мени тожик халқини, миллатини ёмон кӯрадиган, уларнинг ривожланишини кӯролмайдиганлар тоифасига киритиб, миллатчиликда айблаётган қадрли дӯстларим, ассалому алейкум!

Мен миллатчи эмасман, аксинча қадимий ва кӯҳна тамаддун маскани бўлмиш Туронзаминда азалдан бир дарёдан сув ичиб, қӯни-қӯшни, қуда-анда бӯлиб яшаб келаётган, илдизи бақувват, ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400