Россия ҳужумларидан 137 нафар украина аскари ҳалок бўлди

Россия ҳужумларидан 137 нафар украина аскари ҳалок бўлди. Бу ҳақда 25-февралга ўтар кечаси Украина президенти Владимир Зеленский маълум қилди.

-316 аскар яраланди. Змеиний оролидаги барча чегарачиларимиз қурбон бўлди. Ҳаммага Украина Қаҳрамони унвони берилади, деди Зеленский.

Бундан аввал Россиянинг ҳужумларидан ҳалок бўлган тинч аҳоли ҳақида ҳам хабарлар тарқаган. Ҳозирча аниқ рақамлар эълон қилинмади.

Шунингдек Зеленский ҳарбий хизматга мажбурий ва заҳирадаги аскарларни оммавий армияга олиш тўғрисидаги буйруқни имзолади. Чегара хизмати 18 ёшдан 60 ёшгача бўлган эркакларга мамлакатни тарк этиш тақиқланганини эълон қилди.

Пентагоннинг маълумотига кўра, Россия уруш эълон қилганидан бери 160 га яқин ракета зарбасини берган. Украина мудофаа вазири Алексей Резников Москва янги ҳужумлар тўлқинига тайёрланаётганини маълум қилди.

Россия томони қурбонлар ҳақида хабар бермади. Айни пайтда Донбасс, Харьков ва мамлакат шимолида шиддатли жанглар кетмоқда.

Россия Украинага қарши уруш эълон қилгани сабабли Европа Иттифоқи ва АҚШ Москвага қарши янги санкциялар жорий қилди.

Россия президенти Владимир Путин 24-февраль куни эрта тонгда баёнот қилиб, Донбасда “махсус ҳарбий операция” ўтказиш деган баҳона билан Украинага уруш эълон қилди. У Украина аскарларига қуролларини топшириб, уйларига қайтишга чақирди. Эрталаб соат бешларда рус қўшинлари Украинага бостириб киришди.

Бўлишинг:

Муҳаррир танлови

Ўзбекистонда 2018 йилда жиноий жавобгарликка тортилган мансабдор шахслар ҳақида маълумот берилди

2018 йилда Ўзбекистонда 1561 нафар турли тоифадаги мансабдор шахслар жиноий жавобгарликка тортилган. Бу ҳақда Kun.uz нашри Бош прокуратура матбуот хизматига таяниб хабар ...

Интернет тезлиги бўйича дунё рейтинги эълон қилинди

Ирландиянинг Оокла компаниясига тегишли Speedtest.net интернет-сервиси август ойи якунлари бўйича дунёдаги симли ва симсиз интернет тезлиги бўйича маълумотлардан ...

Қибрайлик аёл: мен норозилик сифатида ўзимга ўт қўйдим

14 декабрь куни Тошкент вилоят, Қибрай туман ҳокимлиги биносида ўзига ўт қўйган аёл расмийларнинг "ўзини эмас, трибунани ёқмоқчи бўлди", деган даъвосини рад этди. ...