Қирғизистон Миллий статистика қўмитасининг апрель ойида ўтказган таҳлилига кўра, Қирғизистонда яшовчи 18 ёшгача бўлган болаларнинг 50,9 фоизи қашшоқликда яшаётгани маълум бўлди.
Қишлоқ аҳолисининг 48,8 фоизи, шаҳар аҳолисининг 30,7 фоизи, 18 ёшдан 64 ёшгача бўлганларнинг 36,9 фоизи, 65 ёшдан ошганларнинг 34,8 фоизи қашшоқликда яшамоқда.
Қирғизистон ҳудудларида қашшоқлик рўйхатининг олдинги сафида Боткен, Жалолобод ва Норин вилоятлари туради.
Статком қашшоқликнинг индексини аниқлашда халқаро усуллардан фойдаланган. Уйдаги тоза сув, даромад манбаи, тиббий хизматдан фойдаланиш даражаси, озиқ-овқат сифати, таълим даражаси билан боғлиқ омиллар ҳисобга олинган.