Литва Сейми аъзолари Маъмурий жавобгарлик тўғрисидаги кодексда Z белгиси ва Георгий лентасини фашизм ва коммунизм рамзи сифатида эълон қилди.
Литванинг Delfi.lt сайтига кўра, ушбу белгиларни тарқатиб, уларни йиғилишлар ва бошқа оммавий тадбирларда ёки бошқа турдаги намойишларда ишлатгани учун 300 дан 500 еврогача жаримага тортилади.
Литва Сейми аъзоларининг фикрича, бу белгилар тажовузкорлик рамзига айланган.
“Провокациячи руслар ўз машиналарига Z расмларини қўйишади Бу белги рус спортчиларининг кийимларида пайдо бўлди. Ҳатто Владимир Путиннинг ташвиқотини қўллаб-қувватламайдиган одамларнинг эшиклари устига чизилган. Z ҳарфи Белграддаги россияпараст намойишда ҳам ишлатилган. Ва Россия Украинага бостириб киргандан сўнг, белги Литвада деворларга чизила бошланди. Аҳолини бундай белгилар билан қўрқитмаслик керак. Шу йўл билан турли провокацияларга йўл қўйилмоқда”, — деди Литва депутати Моника Ошмянскене.