Можаролар натижасида Украина иқтисоди таназзулга юз тутмоқда.
Бу йил мамлакат ялпи ички маҳсулоти 40 фоизга қисқариши мумкин. Яқинда Украина Иқтисодиёт вазирлиги шундай прогноз қилди. Биргина жорий йилнинг биринчи чорагида ялпи ички маҳсулот 16 фоизга қисқарган. Энг кўп авиакомпаниялар, юк ташиш ва хизмат кўрсатишлар зарар кўрган. Айни пайтда қишлоқ хўжалиги соҳаси ҳам зарар кўрмоқда. Чунки Украина буғдой ва маккажўхори экспорти бўйича дунёдаги энг йирик давлатлардан бири ҳисобланади. Европа тикланиш ва тараққиёт банки маълумотларига кўра, мамлакатдаги корхоналарнинг учдан бир қисми ҳарбий ҳаракатлар туфайли ёпилган. Расмийлар шу кунгача етказилган зарар 1 триллион доллардан ошганини тахмин қилмоқда. Оқибатда Украина халқи қийналмоқда. Одамлар хавфсиз жойга қочиб кетишмоқда.