Россиянинг Европа Иттифоқига сотган газ ва нефтидан тушган даромади икки бараварга кўпайди

Россия Украинага бостириб кирганидан кейин Европа Иттифоқига сотган газ, нефть ва кўмирдан тушган даромадини икки бараварга оширди. Бу маълумотни Финляндиядаги Энергия ва тоза ҳаво тадқиқотлари маркази (CREA) тақдим этди.

Уруш бўлаётган кейинги икки ой ичида Москва бир қатор компанияларга ўз маҳсулотларини 44 миллиард еврога сотган. Бу ўтган йилнинг шу даврига нисбатан икки баробар кўпдир. Шу билан бирга, харидлар ҳажми камайди. Мисол учун, нефтнинг импорти 20 фоизга камайди, лекин газники кўпайган.

Германия ҳали ҳам энг кўп газ сотиб олмоқда. 24-февралдан буён улар Россиядан 9 миллиард евролик энергия манбаларини импорт қилдилар.

CREA Россия Европанинг энергияга қарамлигидан фойда кўришда давом этмоқда, деган хулосага келди. Нархларнинг ўсиши экспорт ҳажмининг пасайиши билан қопланмоқда. Марказ мутахассисларининг айтишича, янги санкциялар нархларни ошишига олиб келишини, бу билан Брюсселнинг уринишлари бесамар кетаётганини таъкидлашмоқда. Европа Иттифоқи (ЕИ) Путиннинг энергетика секторидан сиёсий босим сифатида фойдаланишига ва даромадларни урушни молиялаштиришга сарфлашига йўл қўймасликни мақсад қилиб келади.

Таҳлилчи Лаура Милливиртанинг айтишича, урушни тугатиш учун Россия энергиясидан тез ва тўлиқ воз кечиш керак.

Европа Иттифоқи Россия кўмирига эмбарго қўйган ва нефть билан газдан воз кечиш масаласини кўриб чиқмоқда. Аммо Австрия, Венгрия ва Германия бунга қарши бўлмоқда.

Россия ўз газининг 70 фоизини нефть ва нефть маҳсулотларининг 60 фоизини Европа Иттифоқига сотади.

 

Бўлишинг:

Муҳаррир танлови

Россия: «ғарб жаҳонда озиқ-овқат инқирозини яратмоқда»

Жаҳондаги озиқ-овқат инқирозига Ғарбнинг масъул эканини ифода этган Россия, «Муаммонинг манбаи биз эмасмиз» деди. Ғарб 24-февралдан бери Украинага қарши давом этаётган ...

Молдованинг собиқ президенти 30 кунлик уй қамоғига олинди

Молдова суди собиқ президент Игорь Додонни 30 кунлик уй қамоғига ҳукм қилди. Кишинёвнинг Чокан туман суди 26-май куни қарор чиқарди. Сешанба куни Додоннинг уйи тинтув ...

Лукашенко: марказий осиёнинг учта давлати яна россия таркибига қўшилади

Беларус президенти Александр Лукашенко Ўзбекистон, Тожикистон ва Туркманистон 15 йилдан кейин Россия ва Беларус билан иттифоққа қўшилади дея ишонч билдирди. Бу ҳақда у ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400