Бошқа мавзулар
Қозоғистон пойтахти Остона шаҳрида ўзларининг янги туғилган фарзандларини Toyota Camry автомобилига алмаштиришга уринган эр-хотин қўлга олинди. Бу ҳақда NewTimes.kz хабар берди.
Аёлнинг ёши 25 да, эркак эса 29 ёшдалиги аниқланган. Уларнинг иккаласи ҳам Ўзбекистонда туғилган. 3,8 килограм оғирликдаги соғлом ўғил бола 27 январь куни туғилган. 29 январь куни бола эвазига олинган автомобиль учун ишонч гувоҳномаси нотариус орқали расмийлаштирилгач, эр-хотин қўлга олинган.
Ҳозирда чақалоқ шифохонада сақланмоқда. Қўлга олинганлар эса вақтинчалик сақлаш изоляторига олиб борилган. Полициянинг аниқлик киритишича, аёл ишсиз бўлган, эркак эса Остонадаги корхоналардан бирида ишлаган. Ушбу ҳолат юзасидан «Вояга етмаганларни сотиш» бўйича жиноят иши қўзғатилган.
