Бошқа мавзулар
Россия Федерал миграция хизмати 2015 йил 5 апрель ҳолатига мазкур мамлакатдаги хорижликлар сони ҳақидаги маълумотни эълон қилди.
Ташкилот маълумотига кўра, Россияда 644 378 нафар Қозоғистон, 507 438 нафар Қирғизистон, 971 794 нафар Тожикистон, 24 517 нафар Туркманистон ва 2 104 089 нафар Ўзбекистон фуқаролари бор. Жами – 4 252 216 нафар.
Агар Федерал миграция хизматининг жорий йил февраль ва март ойларидаги маълумотлари билан таққосланса, Россияда қозоғистонликлар сони ортаётгани маълум бўлади (февраль ойида уларнинг сони 606 686, мартда 626 594 нафар эди).
Ўзбекистон ва Қирғизистон фуқаролари сони эса камаймоқда: ўзбекистонликлар февралда 2 185 483, мартда 2 131 300 нафар; қирғизистонликлар февралда 540 049, март ойида 523 221 нафар эди.
Апрель ойига келиб Россиядаги Тожикистон ва Туркманистон фуқаролари сони бироз ортган.
