Чирчиқ шаҳар суд-тиббий экспертиза бўлинмаси эксперти Р.Карабаев хизмат доирасидаги ишни амалга ошириш баробарида таъмагирликда айбланиб жазога торттилган.
Мижозлардан бири унинг олдига тан жароҳатларининг қай даражада оғирлигини аниқлаш мақсадида ташриф буюради. Эксперт бу одам қўшниси билан жанжаллашгани, лекин ўзаро келишиб олишгани учун, унга ҳеч қандай даъвода эмаслигини билиб олгач, бу одамни урган қўшнига телефон қилади. Эксперт уни қамалиб кетиши мумкинлиги билан қўрқитиб, буни ошкор қилмаслиги эвазига 1000 доллар сўрайди.
Жабрланувчининг даволаниши учун зарур маблағни бериб бўлган қўшни эса, бу ҳақида тегишли органларга маълум қилгач, эксперт пора олиш чоғида қўлга олинган.