Сеулда Ўзбекистон ва Жанубий Корея раҳбарлари ўтказган музокаралар якунида 60 ҳужжат имзоланди. Мазкур ҳужжатлар асосида амалга ошириладиган лойиҳалар қиймати 7 миллиард 700 миллион долларни ташкил қилади.
Узметроном сайтининг ёзишича, имзоланган шартномаларга кўра, 2015-2017 йиллар мобайнида Ўзбекистонга “Korea EximBank” тарафидан 3 миллиард доллар қарз бериш кўзланган. Имзоланган ҳужжатлар орасида яна ҳайдовчилик гувоҳномаларини ўзаро тан олиш тўғрисидаги битим бор. Бу икки ҳужжатдан бошқалари шунчаки эзгу ният ва келажакка умид изҳори холос.