Ўзбекистонда интернет тезлиги нега бунча суст?

Қудрат БобожонФото муаллифлик ҳуқуқиCOURTESY

Интернет юкланиш тезлиги бўйича эълон қилинган янги рейтингда Ўзбекистон Тожикистон билан бирга энг қуйи йигирмаликдан жой олган иккита Марказий Осиё давлати бўлишган.

Ҳатто, шунда ҳам, Тожикистон 177-ўрин билан Ўзбекистондан бир поғона юқори натижа қайд этган.

Ўзбекистон эса, дунёнинг янги халқаро тадқиқот қамраб олган 189 давлати орасидан 178-ўринни эгаллаган.

Айни ўринда таъкидлаш жоиз, интернет юкланиш тезлиги бўйича бир неча ўн йиллик урушлар ичида бўлган Афғонистон ҳам бу икки минтақа давлатидан анчайин яхши натижа кўрсатган. Рўйхатда 150-ўринда келган.

Бу ҳақда Буюк Британиянинг етакчи cable.co.uk маслаҳат хизмати хабар берган.

Суҳбатимизга мана бу линк орқали қулоқ тутинг.

Қудрат Бобожон: Ўзбекистонда Facebook аъзолари сони Мисрдагидан тез кўпаймоқда

Мирзиёев Ўзбекистонда блокланган сайтлардан хабар ўқияптими?

Айни шу хабарда келтирилган таҳлил ва тафсилотларга таянилса, Ўзбекистонда интернет юкланиш тезлиги сониясига 0,76 Мбитни ташкил этади.

Рўйхатда номлари келтирилган қолган МДҲ давлатлари билан таққосланганда, бу – энг паст кўрсаткич экани маълум бўлган.

Интернет юкланиш тезлиги бўйича 82-ўрин(4 Мбит/с) билан Марказий Осиё Қозоғистон илғорлик қилган.

Туркманистон 142-ўрин (1.4 Мбит/c) ва Қирғизистон 166-ўрин (0.98 Мбит/c)ни эгаллаб, минтақада юқори учликка киришган.

МДҲ давлатлари орасидан эса, Латвия 6-ўрин билан энг яхши натижани қайд этган.

Латвияда ҳозир интернет юкланиш тезлиги сониясига 30.36 Мбитдан иборат экани маълум бўлган.

Россия эса, янги рўйхатда 43-ўрин билан кифояланишга мажбур бўлган.

Рейтингда дунёнинг 189 давлати орасидан Сингапур илғорлик қилган, энг қуйи ўринни эгаллаган давлат эса, низолар ва очарчилик гирдобида бўлган Яман бўлиб чиққан.

Яманда жорий пайтда интернет юкланиш тезлиги 0.34 Мбит/c ни ташкил этган.

Бу амалда нимани англатиши ҳам шу рўйхатнинг ўзида мисол билан келтириб ўтилган.

Дейлик, яманлик интернет фойдаланувчиси ҳажми 7,5 ГБ бўлган Full HD фильмини юклаб олмоқчи бўлса, бунинг учун унга оз эмас, кўп эмас, нақ 2 кун 2 соату 2 дақиқа 28 сония керак бўларкан.

Би-би-си Ўзбекистон дохил Марказий Осиё давлатларидаги тилга олиб ўтилган вазият сабаблари борасида фикрларини билиш учун ҳозир Европада яшаб, фаолият олиб бораётган асли ўзбекистонлик интернет билағони Қудрат Бобожонга мурожаат қилди.

http://www.bbc.com/uzbek/uzbekistan-40902451

Бўлишинг:

Муҳаррир танлови

Россияда оғир аҳволда қолган 71 ватандош ўзбекистонга қайтарилди

Бандлик ва меҳнат муносабатлари вазирлиги хорижда оғир аҳволда қолган ватандошларни Ўзбекистонга қайтариш бўйича ишларни бошлади. “Газета.уз”нинг хабар беришича, шундай ...

Фарғонада миб ходими қарздорлиги бўлмаган фуқарони алдаб, пул ундирмоқчи бўлди

Қарздорлиги бўлмаган фуқарони алдаб, пул ундирмоқчи бўлган МИБ ходими ўтказилган тезкор тадбирда 600 минг сўм билан ушланди, деб ёзади ЎзА сайти. Коммунал тўловларни ўз ...

Пасткашликда айбламанг боғча опа!

Боғча мавзусида илгари ҳам бир неча марта мақола ёзган эдим. Бугун яна шу мавзуга қӯл уряпман. Рости, мақолани ёзгим келмай ёзяпман. Ёзгим келмаганига кимларгадир жабр ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400