Ўзбекистонда «бюджет» ишчилари ёппасига пахтага чиқарилди

Жиззах, Самарқанд, Қашқадарё, Андижон, Тошкент вилоятларида мактаб, коллеж, лицей ўқитувчилари, боғча тарбиячиларининг пахта теримига ётоққа жўнатилаётгани хабар қилинмоқда. Самарқанд ва Фарғона вилоятлардаги тадбиркорлар улардан пахта теримига бормагани учун пул йиғилаётганидан арз қилди.

Исмини ошкор этишни истамаган ўқитувчи, ўзи ишлаб турган мактаб ўқитувчилари 10 кишилик гуруҳга бўлиниб, пахта теримига ётоққа жўнатилаётганини айтди.

– Биринчи группа бугун эрталаб жўнаб кетди. 10 кунга ётоқ. Зоминнинг ўзидаги бир неча совхоз ва ёнимиздаги Зафарободдаги совхозларга. 50-55 ёшлар орасидаги аёллар ҳам бор. Бечоралар ўзимиздаги таксичилар билан гаплашишибди – эрталаб олиб боради, кечга олиб келади, 5-10 минг сўм йўлкирага. Йўл пулиям ўзидан”, – деди ўқитувчи.

Унинг айтишича, Зомин туманидаги боғчаларда ҳам ҳар бир гуруҳда биттадан тарбиячи қолдирилган, қолганлар эса пахта теримига чиқарилган.

– Биздан ўз ихтиёримиз билан теримга чиқяпмиз, деган тилхатларни ёздириб олишди, ўтган йилдагидай. Яқиндаям ишчилар мажбур пахтага чиқарилмайди, фалон-фисмадон дейишётганди-ку?! Қани шу гаплар?! Ҳаммаси аввалгидай, ҳеч ўзгариш йўқ”, – деди зоминлик ўқитувчи.

Тадбиркорларнинг гапи кўра, энди туман ҳокимиятнинг одамлари бозордаги тадбиркорлардан келиб, пул йиғаяпти. Улар пахта теримига чиқишларини ёки ҳар биридан теримга чиқмаганлиги учун пул талаб қилаяпти. “Пахта теримига чиқасизлар ёки ҳар бирингиз 300-350 минг сўм (37-43 доллар)дан пул берасизлар, деяпти. Савдони ташлаб боролмаймиз – пул бердик, мажбур. Талашиб-торишиб, 300 минг сўм бервордик, ҳозиргина”, –деди самарқандлик тадбикор.

Бўлишинг:

Муҳаррир танлови

Термиздаги портлаш оқибатида икки киши ҳалок бўлди

Бугун, 8 апрель куни Сурхондарё вилояти Термиз шаҳрида жойлашган кўпқаватли уйларнинг бирида портлаш содир бўлгани ҳақида хабар берилган эди. «Xabar.uz» нашрининг Бош ...

Самарқандда ака-укалар ўз жиянини таёқ билан уриб, ўлдириб қўйди

2019 йил 29 март куни Навоий вилояти Хатирчи тумани Урганжи қишлоғида яшовчи Ҳ.Х., Учқудуқ тумани Йўлчилар қўрғони Дев маҳалласида яшовчи акаси З.Х. билан Самарқанд ...

Бмт бош ассамблеяси қуддусни исроил пойтахти дея тан олмади

Бирлашган Миллатлар Ташкилоти Қуддусни Исроилнинг пойтахти дея тан олишдан воз кечди. БМТ Бош Ассамблеяси АҚШнинг Қуддус тўғрисидаги мақомини тан олмаслик борасида резолюция ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400