Остона хорижий ташувчилар устидан назорат кучайтирилганини эълон қилди

Қозоғистон тараққиёт ва инвестициялар вазири Женис Қасимбек 17 октябрь куни Остонада ўтказилган брифингда мамлакат ҳудудларида хорижий ташувчилар устидан назорат кучайтирилганлигини маълум қилди.

Вазирнинг сўзларига қараганда “мамлакатда ташувчилар ўртасида рақобатбардошлик шароитини яратишга қаратилган” бу каби чоралар доирасида бир ҳафта давомида 2 минг 700дан ортиқ автотранспорт воситаси текширилди ва 193та қоида бузилишлари аниқланди.

Вазир Қасимбекнинг маълум қилишича, қоида бузилишларининг катта қисми – 60 фоизи(117та) қирғизистонлик ташувчилар, 20 фоизи(38та) россиялик ташувчилар, яна 20 фоизи(38та) қолган, жумладан Туркия, Тожикистон ва Туркманистон ташувчилари ҳиссасига тўғри келади.

Текширувлар ўтказилиши муносабати билан чегара минтақаларига, жумладан Жамбул вилооятига транспорт назоратининг қўшимча кўчма постлари юборилди. Маҳаллий полиция хизмати (МПХ), Иқтисодий текширувлар хизмати (ИҚХ) ва Давлат Даромадлар қўмитаси (ДДҚ) билан ҳамкорликда транспорт воситаларининг кириб келиши устидан куну-тун назорат ўрнатилди.

Вазирлик маълумотларига қараганда, йил бошидан бери 58 мингдан ортиқ хорижий автотранспорт воситалари текширилиб, 2 538 та қоида бузилиши аниқланган. Қозоғистон томонининг айтишича, қоида бузилишларининг катта қисми (933та) қирғизистонлик ташувчилар ҳисссасига тўғри келади.

10 октябрдан бошлаб Қозоғистоннинг Қирғизистон билан чегарасида назорат кучайтирилди. Бунинг оқибатида Қозоғистон билан чегарада фуқаролар, юклар ва транспорт воситаларининг узундан-узоқ навбати пайдо бўлди.

Бўлишинг:

Муҳаррир танлови

Янги  жамоат бирлашмаси таъсис этилди

          Андижонда бир гуруҳ ташаббускорлар саъй-ҳаракати билан яна бир нодавлат-нотижорат ташкилотига асос солинган. “ИКАР – ҳуқуқий ёрдам маркази” деб аталган, тўлиқ ...

Адлия вазирлиги тошкент пропискаси шартларини қатъийлаштиришни таклиф этмоқда

Вазирлар Маҳкамаси томонидан  «Ўзбекистон Республикаси Норматив-ҳуқуқий ҳужжатлар лойиҳалари муҳокамаси» порталида  эълон қилинган янги ҳужжат лойиҳасида  Тошкент шаҳри ва ...

Эрондаги норозиликнинг бешинчи куни

«Эронда ижтимоий, иқтисодий аҳволларга нисбатан норозилик намойишлари бошланиб, ҳукумат бошқарувига қарши шиор билан чиққан бир қанча инсонлар вафот этган. Норозилик акцияси ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400