Ўзбекистонда қувват берувчи ичимликларни вояга етмаганларга сотишни тақиқлашмоқчи

Ўзбекистонда қувват берувчи ичимликларни ўн саккиз ёшга етмаган шахсларга сотишини чеклаш режалаштирилмоқда. Парламент Қонунчилик палатасининг депутатлари тегишли қонун лойиҳасини ишлаб чиқдилар.

 Қонун лойиҳасига мувофиқ, ўн саккиз ёшга етмаган шахсларга қувват берувчи ичимликларни сотиш фуқароларга энг кам ойлик иш ҳақининг 5 дан 10 бараваригача, мансабдор шахсларга эса – еттидан ўн беш бараваригача миқдорда жарима солишни келтириб чиқаради. Қонун лойиҳаси қувват берувчи ичимликлар рекламасини чеклаш бўйича чораларни ҳам назарда тутади.

Ҳужжатда қувват берувчи ичимликларни реклама қилиш бундай ичимликларни белгиланган меъёрдан ортиқ истеъмол қилишнинг зарари ҳақидаги огоҳлантириш, шунингдек, бу ичимликлар тавсия қилинмайдиган шахсларнинг рўйхати билан бирга бўлиши зарурлиги таъкидланади.

Ҳужжатга кўра, қувват берувчи ичимликларни эрталаб соат 7 дан кечки 22 гача электрон кўринишда, босма ОАВда реклама қилиш, шунингдек, 18 ёшга етмаган шахслар орасида қувват берувчи ичимликлар намуналарини бепул тарқатишни тақиқлаш таклиф этилмоқда.

Тиббиёт, спорт, мактабгача тарбия, ўқув муассасаларида, умумий фойдаланишдаги йўловчи ташиш транспортларининг салонларида ҳам қувват берувчи ичимликларни реклама қилиш тақиқ остига олинмоқда.

Бўлишинг:

Муҳаррир танлови

Сангиновни айбдор деган фикримиздан қайтмаймиз

  Дӯстларимдан бири менга Parviz Fattoev исмли Фейсбук фойдаланувчисининг саҳифасида ёритилган "Яхшилар, жон яхшилар!" деб номланган постини юборди. Парвиз Фаттоев ӯз ...

Аёлларга маҳрамсиз ҳаж қилишга саудия арабистони рухсат бериши мумкин

Arab News хабарига кўра, келажакда аёллар ҳаж сафарига эркак маҳрамсиз боришлари мумкин бўлади.  Айни пайтда аёллар Саудия Арабистонига ибодат учун маҳрам (эркак васий)билан ...

Қозоғистон жанубидаги ёқилғи қуйиш шахобчаларида бензин лимит бўйича берилаяпти

Жанубий Қозоғистон вилоятида энг харидорги навдаги бензин етишмовчилиги юзага келди. АИ-92 навли бензин тақчиллиги ҳақидаги ахборотни «Жанар-Жағармай» жамоатчилик ...