Тошкентдаги масжид имоми мансабдорларга ер ва дўкон ажратишни сўраб чиқди

Ижтимоий тармоқларда зиддиятли чиқишлари билан танилган тошкентлик имом Шермурод Тоғай мансабдор шахсларга “махсус дўкон, тижорат олиб борадиган жойлар” ажратишни таклиф қилди.

Шермурод Тоғай дунёвий ва диний амалдорларнинг моддий жиҳатдан яхши таъминланиши порахўрлик ва давлат мулки ўмарилишининг олдини олиши мумкинлигини айтди. Тошкентдаги “Тинчлик” жомеъ масжиди имом-хатиби Шермурод Тоғайнинг Facebook саҳифасига қўйган навбатдаги таклифи яна баҳс уйғотмай қолмади.

“Мансабдор шахслар пора олмасликлари, давлат мулкларини ўмармасликлари учун уларга махсус дўкон, тижорат ишларини олиб борадиган жойлар ажратилиши керак. Уларга одамлар ҳавас қилишлари ва албатта катта эҳтиром кўрсатишлари шарт,” – деб ёзди 11 декабрь куни ижтимоий тармоқлардаги фаоллиги билан танилган имом.

– Совет даври бизга етиб келгунга қадар бизда вақф ерлари бўлар эди. Саройда ва бошқа жойларда ишлайдиганларга махсус ажратилган ерлар бўлган. Айниқса, ҳозир мен ишлаётган “Дўмбрабод” мавзесида айнан худди шунақа шоҳ саройининг котибиятига ажратилган ерлар бўлган. “Қозировот” эса қозиларга ва бошқаларга ажратилган вақф ерлари бўлган. Вақф ерларини беришдан кўзланган мақсад – ўша инсонлар давлат мулкига тажовуз қилмасин, қўлларини порага очмасин. Энди, албатта, инсон бор – нафс бор, деди Шермурод Тоғай.

28 ноябрда Шермурод Тоғай ҳизбчи ва ишидчиларга ўлим жазоси сўраб Facebook’даги саҳифасида чиққанди.

Бўлишинг:

Муҳаррир танлови

Рим папаси буғдойни уруш қуролига айлантирмасликка чақирди

Рим папаси Франциск Россия бошлаган урушда озиқ-овқат қуролга айланмаслиги кераклиги ҳақида огоҳлантирди. Понтифик Ватикандаги ибодат чоғида Украинадан буғдой экспортини ...

Мусулмон оламидаги тушкунлик сабаби нимада? 

Бугун сайёрамизда статистик маълумотларга кўра, мусулмонлар ер юзи аҳолисининг 23 фоизини ташкил этади. Яъни уларнинг сони 1.7 миллиард. Бу ислом аҳкомлари амалларини ...

Рим папаси: ҳар бир дин ҳурматга лойиқ!

Рим Папаси Франциск Филиппинга сафари асносида Парижда бўлиб ўтган террорчилик ва унга нисбатан Ғарб матбуоти ҳамда жамоасининг муносабати ҳақида ўз фикрларини билдирди.   ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400