Ўзбекистонда ўртача иш ҳақи 1 млн 350 минг сўмга яқин экани маълум қилинди

14 декабрь куни ХПКда бўлиб ўтган сессияда Ўзбекистонда ўртача ойлик даромад қанча эканига ойдинлик киритилди. Давлат статистика қўмитаси раиси Баҳодир Бегаловга кўра, шу йилнинг сентябрь ойи ҳолатига биноан республикада ўртача ойлик даромад 1 млн 346 минг сўмдир.

Фото: Баходир Абдусаломович Бегалов – Давлат статистика қўмитаси Раиси, иқтисод фанлари доктори

Мақола Kun.uz сайтидан олинди

Ўзбекистонда бугунги кунда энг кўп аҳоли Самарқанд вилоятида истиқомат қилади. Вилоятда 3,7 млн киши яшайди. Иккинчи ўриндаги Фарғона вилояти 3,6 млн киши, Қашқадарё вилояти 3,1 млн фуқарога эга.

Шу йилнинг сентябрь ойи ҳолатига биноан 1,3 млн ўзбекистонлик хорижий мамлакатларда яшаб, ишлаяпти. Шу йилнинг январь-сентябрь ойида республикада ўртача ойлик даромади 1 млн 346 минг сўмни (166,31 АҚШ доллари) ташкил этган. Бу ўтган йилнинг шу даврига нисбатан 14,3 фоизга ўсганини англатади.

Ўзбекистонда хорижий капитал иштирокида жами 5421 та корхона фаолият юритса, шундан 3045 таси қўшма корхоналар, 2376 таси хорижий капитал ҳисобига барпо этилган корхоналардир. Бунда асосан, Россия, Хитой, Қозоғистон, Жанубий Корея ва Туркия давлатлари сармоядорлари етакчи ҳисобланади.

Ўзбекистон экспорт таркибининг 14,3 фоизини энергия манбалари, 6,3 фоизини қора ва рангли металлургия, 6,5 фоизини кимё саноати маҳсулотлари, 6,5 фоизини озиқ-овқат ва мева-сабзавот маҳсулотлари ташкил этади. 3,4 фоизи пахта, 2,6 фоизи машина ва ускуналардан иборат.

Ўзбекистонда 160 мингдан ортиқ фермер хўжаликлари ва 4,5 млн.дан ортиқ деҳқон ёрдамчи хўжаликлари фаолият юритиб келади.

Бўлишинг:

Муҳаррир танлови

Бензин нархи халқаро даражагача оширилади

Фото: Desmond Boylan / Reuters Венесуэла президенти Николас Мадуро мамлакатда бензин нархи халқаро даражагача кўтарилишини тасдиқлади. У мамлакатда фуқаролар учун ёқилғига ...

“ўзтрансгаз” раиси шарифжон турсунов лавозимидан бўшатилди

"Ўзтрансгаз" акционерлик жамиятининг матбуот котиби Лолахон Собирова тасдиқлашича, Шарифжон Турсунов "Ўзтрансгаз" акционерлик жамияти раиси лавозимидан бўшатилди. Бу ҳақда ...

Ўзбекистонда бензин ишлаб чиқариш ҳажми пасайди

     Ўзбекистон 2013 йилнинг биринчи чорагида нефть ва газ конденсатини қазиб олиш ҳажмини ўтган йилнинг худди шу даврига нисбатан пасайтирди. Бу ҳақда, Давлат ...