Тожикистонда маош, стипендия ва нафақа ошади

Тожикистон президенти Эмомали Раҳмон

Тожикистонда ойлик иш ҳақи оширилиши эълон қилинди. Бу ҳақида мамлакат президенти Эмомали Раҳмон 22 декабр куни Тожикистон Олий мажлисига йўллаган очиқ мактубида хабар етказиб, иш ҳақи қачондан ва қанча миқдорда ошишини эълон қилди.

Президент Эмомали Раҳмонинг қайд этишича, мамлакат иқтисодий тараққиёти ва молиявий имкониятларини ҳисобга олган ҳолда 2018 йилнинг 1 сентябридан бошлаб бюжет соҳалари ходимларининг ойлик иш ўақи оширилади.   Аниқроғи, давлат органлари ишчилари, таълим тизими, маданият, спорт, соғлиқни сақлаш соҳалари ходимлари ва бошқа бюжет ташкилоту идоралар ишчиларининг ойлик иш ҳақи 15 фоизга, ҳарбий хизматчилар ва ҳуқуқ тартибот органлари ходимларининг иш ҳақлари 10 фоизга оширилади.

Шунингдек, нафақанинг барча турлари ва талабаларнинг стипендиялари ва бошқа турдаги стипендиялар ҳам 15 фоизга оширилади.

Тожикистон Ҳукумати қошидаги нафақа ва ижтимоий суғурта Агентлиги маълумотларига кўра, мамлакатда 2017 йилнинг 1 августида ўртача маош 1160,44 сомонийни ташкил этган. Бу кўрсаткич 2016 йилнинг 1 августига нисбатан қиёсланганда 225,31 сомоний ортиқдир.

Тожикистон Ҳукумати қошидаги нафақа ва ижтимоий суғурта агентлиги маълумотларига кўра, шу йилнинг сентябр ойида мамлакатда нафақа олувчилар сони 660 минг 610 нафарни ташкил этган. Бу кўрсаткич, 2016 йилнинг шу даврига нисбатан солиштирганда 18 минг 598 нафар ёки 2,9 фоиз кўпдир.

Муаллиф: Соҳиб Назаров

Бўлишинг:

Муҳаррир танлови

Греция хавфсизлик кучлари муҳожирларга пластик ўқ отди

Грециянинг хавфсизлик кучлари Европа чегарасини кесиб ўтмоқчи бўлган икки ноқонуний афғон муҳожирини пластик ўқ билан яралади. Хавфсизлик манбаларидан олинган маълумотларга ...

Умида бердиалиеванинг ноласи барчамизнинг ноламиздир

Ўтган чорак аср давомида Ўзбекистондаги жами ташкилоту муассасалар, жумладан, жойлардаги ҳокимият, ички ишлар, миллий хавфсизлик хизмати, суд, прокуратура идоралари ўз ...

Хоразмда онаси ва укасини ўлдирган 17 ёшли қотилга ҳукм ўқилди

Жиноят ишлари бўйича Хоразм вилоят судида онаси ва 5 ёшли укасини ўлдирган коллеж ўқувчиси О.А. га нисбатан суд ҳукми ўқилди. Бу ҳақда «Дарё» нашри хабар бермоқда ...