Бошқа мавзулар
Жорий йилнинг 16 май куни Қашқадарё вилоятининг Чироқчи туманида сел оқибатида беш киши вафот этди. Бу ҳақда Фавқулодда вазиятлар вазирлиги маълумот тарқатди.
Шунингдек, 17-май куни Қашқадарё вилояти Китоб туманидаги қаттиқ ёғингарчилик туман аҳлига жуда катта талафот етказди.
Кучли сел натижасида Маркит, Жилисув, Койни ва Бодомзор қишлоқларини сув босди. Одамларнинг уй-жойлари, ҳовлилари, экин-тикинлари сувга тӯлди. Паррандаю, чорва молларини, бедазорларини оқизиб кетди.
Айни пайтда туман ҳокими, ҳокимиятдаги мутасадди вакиллар, туман ички ишлар бӯлими, туман прокурори ва бошқа барча органлар ҳамда ташкилотларнинг масъул ходимлари селдан талафот кӯрган одамларга моддий кӯмак бериш мақсадида уларнинг уй-жойлари, қӯра-қӯнжилари аҳволини бориб ӯрганаётир.
Умида Бердиалиева, Қаҳрамонхон Маҳмуд
