Бошқа мавзулар
Журналист бўлиб фаолият юритаётганимга ҳам 30 йил бўлди. Пойтахтда яшаб ижод қилиш жудаям қийин экан. Доимий “прописка”м 35 йилдан буён Қибрай туманида. 20 йил деганда 1 хонали уй ҳам олдим. Аммо ҳанузгача ўз уйимга “прописка”га қўйдиролмадим.
Икки йилдан буён эса ҳар 6 ойда вақтинчалик ўз уйимга ижарага турганлигим ҳақида учкастка инспекторига, паспорт бўлинмасига учрашишим шарт. Ҳар 6 ойда мен, ўғлим, камига уйимни жиянимнинг номига олганлигим учун жияним айбдордек уни ишхонасидан зўрға рухсат олиб уни ҳам туман паспорт бўлинмасига судрайман.
“Стол услуги”дагилар 3-4 та қоғоз тўлдиришади. Унга 10 минг сўм, давлат божига 7 минг сўм тўлайман. Яқинда тўсатдан шифохонага тушиб қолганлигим учун вақтинчалик рўйхатга қўйиш муддати ўтиб кетган экан унга 86 минг 120 сўм жарима тўладим. Йўқ ердан жарима дегани чиқди.
Дори-дармонимни олишга қурбим етмай турганда алам қиларкан! Қачонгача биз журналистлар вақтинчалик прописка дея азият чекамиз. Бизга қачон имтиёз берилади! Ўз уйимни қачон ўз номимга ўтказиб оламан!
Хонбиби Ҳиммат қизи
