Бошқа мавзулар
Жорий йилнинг 30 июнь куни ғайратли, шижоатли маслакдошимиз, “Бирдамлик” ХДҲ фаоли Малоҳат Абдуллаева туманлараро мактабгача таълим муассалари ӯртасида ўтказилган ошпазлик кӯрик-танловининг Жиззах вилоят босқичида биринчи ўринни эгаллади.
Тадбир Жиззах шаҳрида бӯлиб ӯтди.
Ғолиба айни пайтда Жиззах вилояти Зарбдор туманидаги 8 -сонли мактабгача таълим муассасасида бош ошпаз бўлиб ишлаб келмоқда. Шу билан бирга, ҳуқуқ фаоли сифатида ҳам иш олиб боради.
Малоҳат Абдуллаеванинг ҳуқуқ фаоли сифатида олиб бораётган ишлари ҳам алоҳида таҳсинга лойиқ.
Малоҳат опа, ҳаётда рӯй бераётган адолатсизликларга қарши сукут сақлаб тура олмайди. Шунинг учун ҳамиша ҳуқуқи поймол бўлган фуқароларга ёрдам беришга шай туради.
Ушбу масалада Малоҳат Абдулаевага фақат Зарбдор туман аҳли эмас балки бутун жиззахликлар мурожаат қилишади.
Биз фурсатдан фойдаланиб, ҳаммаслагимиз, ӯз ишининг устаси бӯлмиш Малоҳат Абдуллаевани “Бирдамлик” ХДҲ ҳамда Ҳаракатнинг “Мулкдор” сайти номидан ғалаба билан самимий табриклаймиз!
Келгуси ҳаётида бахт ва омад доимий ҳамроҳига айланишига, сиёсий фаолиятида ҳам юксак марраларни эгаллашига тилакдошмиз.
“Бирдамлик” ХДҲ раҳбарияти ва жамоаси ҳамда “Мулкдор'” сайти ижодий жамоаси
