Бошқа мавзулар
Тошкент ва Бишкек ўртасида парвозлар сони ортиб, Тошкент-Ўш йўналиши бўйича янги рейс очилади.
17 август куни Тошкентда Ўзбекистон ва Қирғизистон авиацион ҳукуматлари ўртасида «Ўзбекистон ҳаво йўллари» Миллий авиакомпанияси ҳамда Қирғизистоннинг Air Manas ва Avia Traffic Company компаниялари вакиллари иштирокида музокаралар бўлиб ўтди.
МАК матбуот хизматининг «Газета.uz”га хабар қилишича, томонлар Тошкент-Бишкек-Тошкент йўналиши бўйича парвозлар частотасини ҳафтасига тўрттагача ошириш, шунингдек Ўш-Тошкент-Ўш йўналиши бўйича қирғиз томонидан ҳафтасига битта рейс очишга келишиб олди.
Бундан ташқари, йўловчилар оқими мавжуд бўлганда Тошкент-Томчи (Иссиқкўл)-Тошкент, Бишкек-Самарқанд-Бишкек ва Ўш-Самарқанд-Ўш йўналишлари бўйича чартер рейсларини амалга оширишни бошлашга келиб олинди.
