Бошқа мавзуларЖорий йилнинг ўтган даврида Хоразм вилояти ҳудудида порахўрлик билан боғлиқ бир қатор жиноятлар вилоят ИИБ Жиноят қидирув бошқармаси коррупцияга қарши курашиш бўлими ташаббуси билан фош этилди. Бу ҳақда вилоят ИИБ ходими подполковник З.Исмоилов «Дарё» нашрига маълум қилди.
Хива шаҳар ҳокимининг саноатни ривожлантириш, капитал қурилиш, коммуникациялар ва коммунал хўжаликлар масалалари бўйича ўринбосари О.Ш. фуқаро А.З.га «Қишлоқ хўжалик маҳсулотларини қуритиш, қайта ишлаш цехи ва омборхонаси» қурилиши учун 1 000 метр квадрат ер участкаси ажратилишида ёрдам берганлиги учун 2000 АҚШ доллари миқдорида пора талаб қилаётганлиги тўғрисидаги мурожаат асосида 2018 йил 6 октябрь куни вилоят ИИБ ЖҚБ Корррупсияга қарши курашиш бўлими ва прокуратура ҳузуридаги иқтисодий жиноятларга қарши курашиш департаментининг Хива шаҳар бўлими ходимлари томонидан ўтказилган тезкор тадбир натижасида ҳоким ўринбосари О.Ш. Ер тузиш ва кўчмас мулк кадастри Хива шаҳар бўлими мутахассиси орқали 2000 АҚШ долларини пора тариқасида олаётганида жиноят устида ашёвий далиллар билан қўлга олинди.
Ҳозирги кунда мазкур ҳолат юзасидан Хива шаҳар ҳокими ўринбосари лавозимида ишлаган О.Ш.га нисбатан Ўзбекистон Республикаси Жиноят Кодексининг 210-моддаси 2-қисми «в» банди (Пора олиш) билан жиноят иши қўзғатилиб, прокуратура органлари томонидан тергов ҳаракатлари олиб борилмоқда, ўзи эҳтиёт чораси сифатида қамоққа олинган.
