Франциялик эркак фарзандларига фақат пирог ва Coca-cola бериб, боққани учун уч ойга қамалди. Бу ҳақида “Халқ сўзи” нашри Le Figaro газетасига асосланиб хабар берди.
Алкоголизмдан азият чекувчи бу одам уч ва тўрт ёшли болаларини ёлғиз катта қилаётган эди. Уларнинг уйида на каравот, на музлатгич, на ўйинчоқлар бор эди.
Бундай ғалати оилага ижтимоий хизматлар эътибор қаратган. Аниқланишича, болаларга овқат сифатида фақат Coca-cola ва пирог бериб келинган. Бундай рацион оқибатида катта ўғил еттита тишидан айрилган.
Ҳозир болалар васийлар қарамоғида. Отаси эса Лимождаги қамоқхонага жўнатилган.