Бошқа мавзуларПойтахтимизнинг «Қўйлиқ деҳқон бозори» ҳамда «Қўйлиқ-1» массиви бекати ўртасидаги бир-бирига ўтиш йўлакларида маҳсулотлар ёйиб ташланган. Бу ерда сотувчи ва харидорлар учун ҳеч қандай шароит йўқ, деб ёзада “Маҳалладош” газетаси.
Сотувчилар ва ўз маҳсулотини олиб чиққан деҳқонлар йўлакларни ўзбошимчалик билан савдо нуқтасига айлантириб, йўловчилар ҳаракатланишига ноқулайлик туғдирмоқда. Бу ердаги санитария ҳолати ҳақида гапирмаса ҳам бўлади. Сотувчиларнинг айтишича, уларнинг бозор ҳудудида савдо қилиши учун зарур шароит яратилмаган. Бозор ва савдо комплексининг даромади ошиши, янада ривожланиши учун кенг имкониятлар яратилган бир пайтда бу борадаги ишларга эътиборсизлик билан қаралаётганини қандай изоҳлаш мумкин.
Ўйлаймизки, мутасадди ташкилот масъуллари бу вазиятга ойдинлик киритиб, ижобий ечим топишади.
