Бошқа мавзулар2023 йилга келиб кўчаларда жойлашган барча йўл белгилари янгиланади. Бу ҳақда Ахборот ва оммавий коммуникациялар агентлигида бўлиб ўтаётган “Ўзбекистонда автомобиль йўллари қурилиши: ютуқ ва муаммолар” мавзусида матбуот анжумани вақтида маълум қилинди, деб ёзади “Халқ сўзи” нашри.
Қайд қилинишича, 2018 йилдан бошлаб махсус режа асосида автомобиль йўл белгилари ва йўл кўрсаткичлари сифат даражасини яхшилаш ишлари бошлаб юборилган бўлиб, 2023 йилга қадар кўчалардаги барча белгилар тўлиқ янгиланиши кўзда тутилмоқда.
Маълумотга кўра, Ўзбекистон бўйича 170 та йўл белгиси етишмаслиги аниқланган. 81 мингдан ортиқ белгилар магистрал йўлларда, яна 25 мингга яқин белгилар эса ички маҳаллий йўлларда ўрнатилиши кутилмоқда.
