“Мана шундай тизим ҳалиям бор Ўзбекистонда. Буни қандай бўлмасин синдириш керак. Синдириш эса осон бўлмаяпди. Чунки ҳаммаси шундай ишлашга ўрганган”.
Бу Шавкат Мирзиёевнинг яқиндагина минбарда туриб айтган сўзи.
Буни қандай тушуниш мумкин?
Мана шундай тизим Ўзбекистонда ҳалиям бор бўлса, унда нега мана шундай тизимни илдизи билан қўпоришга ҳаракат қилмаяпсиз, жаноб Президент? Уни синдиришни осонлаштириш ниятингиз бўлса ана шундай тизимда ишлаган, ҳатто тизимни “гуллатиб-яшнатган” собиқ олигархларни нима учун ёнингиздан узоқлаштирмасдан, уларга лавозимлар бериб қўйдингиз?
Собиқ МХХ раиси Рустам Иноятовни давлат маслаҳатчиси қилиб олдингиз. Синдиришни шу одамдан бошлашингиз керак эмасми?
Уни ҳамма билаётган бир пайтда Сизнинг билмаётганингиз қанақаси? Қачонгача одамларни чиройли сўзлар билан алдашда давом этасизлар?