Афғонистоннинг Парвон вилоятида ўтказилган сайловолди митингида юз берган портлаш туфайли 24 киши ҳалок бўлди, 31 киши яраланди.
Жангал Боғ туманидаги митингда мамлакат президенти Ашраф Ғани нутқ сўзлаган. Террорчилар эса миналаштирилган мотоциклни оломоннинг яқинида портлатиб юборган.
Ички ишлар вазирлиги матбуот котиби Нусрат Раҳимий терактда жароҳат олганлардан айримларининг аҳволи оғирлигини маълум қилди.
Гувоҳларнинг айтишича, портлаш пайтида президент Ашраф Ғани митинг майдонида бўлган ва унга зарар етмаган.